اعظم گڑھ، 23 اکتوبر (ایچ ڈی نیوز ؍ عبدالرحیم شیخ)۔ مریضوں کو مفت خون فراہم کرنے والی تنظیم الفلاح فاؤنڈیشن نے آج سرمیر کے سٹی میڈیکیئر سینٹر اور ہیلتھ کیئر اسپتال میں ایک مفت طبی کیمپ کا انعقاد کیا۔
اس موقع پر الفلاح فاؤنڈیشن (بلڈ ڈونیٹ گروپ) ) اس فری کیمپ سے درجنوں افراد نے استفادہ کیا۔ کیمپ کے آرگنائزر عبدالرحیم نے بتایا کہ لوگ صبح سے ہی کیمپ میں جمع ہونا شروع ہوگئے اور لوگوں کی بڑی تعداد نے کیمپ سے استفادہ کیا۔اس موقع پر ڈاکٹر حسان طارق،ڈاکٹر ایس علی،ڈاکٹر وی کے موریہ ،ڈاکٹر راہل گپتا،ارمان،عظیم،رام کشور سمیت ایک بڑی تعداد میں لوگ موجود تھے۔
کامیاب فری میڈیکل کیمپ کے انعقاد پر الفلاح فاؤنڈیشن کے ابو شحمہ قریشی ماہلی نے الفلاح فاؤنڈیشن اراکین سمیت سٹی میڈی کیئر سینٹر اینڈ ہیلتھ کئیر کو مبارکباد پیش کی۔الفلاح فاؤنڈیشن بانی ذاکر حسین نے کہا کہ خون عطیہ صحت اور تعلیم الفلاح فاؤنڈیشن کا اہم موضوع ہے۔
