اداکارہ پرینکا چوپڑا اداکاری کے علاوہ بزنس وومن کے طور پر بھی اچھا کام کر رہی ہیں۔ شادی کے بعد امریکہ میں آباد ہونے کے بعد انہوں نے نیویارک میں اپنا ریسٹورنٹ ’سونا‘ شروع کیا ، تاہم اب اس ریسٹورنٹ کی ملکیت پرینکا کے پاس نہیں ہوگی۔
انہوں نے دو سال قبل نیویارک شہر میں’سونا‘ کے نام سے ایک ہندوستانی ریستوران شروع کیا۔ اب تک وہ اکثر اس ریستوراں کے بارے میں اپنے مداحوں کے ساتھ کہانیاں شیئر کر چکی ہیں۔ پرینکا اس ریسٹورنٹ میں منیش گوئل کے ساتھ نصف پارٹنر تھیں اور وہ کافی کمائی بھی کررہی تھیں ، لیکن حال ہی میں پرینکا نے ریسٹورنٹ کی ملکیت چھوڑ دی ہے۔ اب شریک بانی منیش گوئل ریستوراں کو سنبھال رہے ہیں۔ اب منیش گوئل اس ریستوراں کو چلائیں گے۔
پرینکا نے یہ فیصلہ کیوں لیا اس کی وجہ ابھی تک سامنے نہیں آئی۔ کہا جاتا ہے کہ انہوں نے ’سونا‘ کی ملکیت چھوڑ دی ہے کیونکہ وہ اپنے بالوں کے رنگ کے برانڈ اور پروڈکشن کمپنی پر توجہ مرکوز کرنا چاہتی ہے۔ منیش گوئل نے اس ریسٹورنٹ کی تعمیر میں پرینکا کے تعاون کے لیے ان کا شکریہ ادا کیا ہے۔ انہوں نے مزید کہا ، ’ پرینکا اب ہماری تخلیقی ساتھی نہیں ہیں ، لیکن ’سونا’ خاندان کا حصہ ہوں گی۔‘
