21.1 C
Delhi
February 14, 2025
Hamari Duniya
قومی خبریں

آل انڈیا مہیلا امپاورمنٹ پارٹی کے سیاسی زمین پر مضبوط قدم،بھارتیوں کی زندگی آسان بنانا میرا مقصد : ڈاکٹر نوہیرا شیخ

Dr Nowhira Shekh

نئی دہلی ،27اکتوبر(ایچ ڈی نیوز)۔
آل انڈیا مہیلا امپاور منٹ پارٹی کی کل ہند صدر اور بانیہ عالمہ ڈاکٹر نوہیرا شیخ سے اخباری نمائندہ مطیع الرحمن عزیز نے ایک تحریر ی انٹرویو کیا ہے، جس میں پارٹی اے آئی ایم ای پی کے زمینی سطح پر آمد اور اس کے کاموں کے تعلق سے پارٹی صدر سے کچھ اہم بات چیت کی گئی ہے۔ جس میں خلاصہ کے طور پر معلوم ہوا کہ نیشنل پیمانے پر ہندوستان کی سرزمین پر اپنی دعوی داری پیش کرنے والی پارٹی ایم ای پی نے حالیہ پانچ ریاستوں کے الیکشن میں اپنی موجودگی درج کرائی ہے۔ اب یہ بات الگ ہے کہ کتنی سیٹوں پر دوسری پارٹیوں کے ساتھ اتحاد ہوتا ہے اور کتنی سیٹوں پر مضبوط ایماندار امیدوار حاصل ہوتے ہیں۔ لیکن کل ملا کر یہ بات حریف پارٹیوں کے ذہن میں بے چینی بن کر کھٹکتی رہے گی کہ ان کا مقابلہ پہلے سے زیادہ مشکل ہو جائے گا۔ بھارت میں جب سے چھوٹی علاقائی پارٹیوں کا قیام عمل میں آنے لگا ہے، ملک کی ترقی اور آگے بڑھنے کے رفتار میں تیزی آئی ہے۔ مقابلہ بڑھنے کی وجہ سے وہ پارٹیاں جو آزادی کے بعد سے ہی اپنی دھاک ہندستانی سیاست پر قائم رکھتی تھیں ان کی من مانی اب پہلے جیسی نہ رہی۔ کیونکہ پہلے حکومت میں زیر اقتدار پارٹیاں بڑے دھڑلے سے ملک کے خزانے کا استعمال کرتی تھیں کیونکہ کوئی حساب کتاب لینے والا نہیں تھا۔ لیکن نئی، چھوٹی اور ریاستی پارٹیوں کی آمد سے بہت سارے امور پر پردہ ڈالنا حکومتوں کے لئے آسان بات نہیں ہے۔ ان خیالات سے ملے جلے تاثرات کے بعد بات کو آگے بڑھاتے ہوئے مطیع الرحمن عزیز نے عالمہ ڈاکٹر نوہیرا شیخ سے دریافت کیا کہ وہ کون سے امور ہیں جن پر آپ کی پارٹی آل انڈیا مہیلا امپاورمنٹ پارٹی زیادہ توجہ مرکوز کرنے والی ہے۔ جس کے جواب میں عالمہ ڈاکٹر نوہیرا شیخ نے بتاتے ہوئے کہا کہ ہماری پارٹی کی جن امور پر زیادہ توجہ رہے گی وہ کچھ اس طرح ہے۔
عالمہ ڈاکٹر نوہیرا شیخ کل ہند صدر آل انڈیا مہیلا امپاور منٹ پارٹی نے کہا کہ بچوں کی تعلیم کے متعلق لوگوں میں بیداری پیدا کرنا۔ خاص طور پر ملک کے ان حصوں میں تعلیمی مراکز کا قیام کرنا جہاں تعلیم کی شرح کم ہے یا معیار کے مطابق نہیں ہے۔ان طلبائ میں اعلیٰ تعلیم کے لیے بیداری اور حوصلہ افزائی کرنا جو اپنی انتہائی غربت کی وجہ سے درمیان میں ہی تعلیم چھوڑ دیتے ہیں۔انتخابات عوامی مسائل اور ترقی کی بنیاد پر لڑنے کیلئے لوگوں کے اندر بیداری پیدا کرنا۔خواتین کو ترقی کے سفر میں بہتر زندگی گزارنے کے لیے ان کی حوصلہ افزائی کرکے انہیں پراعتماد بنا کر تعلیم یافتہ ، ہنر مند اور خود انحصار بنانا۔رشوت خوری اور بدعنوانی کے خلاف جدید ٹیکنا لوجی کے ذریعہ لوگوں کو بیدار کرنا۔ملک کے تمام طبقہ کے لوگوں میں اتحاد اور ہم آہنگی کا احساس پیدا کرنا، کیونکہ ہمارا ملک مختلف مذاہب اور مختلف ثقافتوں اور روایات کا ملک اور امن کا گہوارہ ہے۔بینکوں کی طرف سے لوگوں کو سود پر قرض کی لعنت کو ختم کرنا اور ان کے درمیان سود سے پاک قرضوں کے نظام کو متعارف کرانے کیلئے لوگوں کے درمیان تعاون کا جذبہ پیدا کرنا۔ہر ممکن طریقے سے لوگوں کو آئین کے بارے میں معلومات فراہم کرنا، جس میں ان کو بھارت کے آئین کے تحت دیے گئے دوسرے تمام شہریوں کی طرح برابر کے حقوق ملتے ہیں، اور انہیں اپنے بنیادی حقوق کے بارے میں سب کچھ جاننے کی رہنمائی اور حوصلہ افزائی کرنا تاکہ وہ وقت پر اپنے حقوق کو حاصل کر سکیں اور ترقی کی رفتار میں خود کو شامل کر سکیں۔
عالمہ ڈاکٹر نوہیرا شیخ کل ہند صدر آل انڈیا مہیلا امپاور منٹ پارٹی نے کہا کہ تعلیم یافتہ بے روزگار افراد کو ملازمت سے منسلک کرنے کے لئے ماحول تیار کرنا۔دیہاتوں، محلوں، قصبوں، شہروں وغیرہ میں امن اور ہم آہنگی کے فروغ کیلئے حکومت سے تعاون کرنا کیونکہ امن اور ہم آہنگی آپسی بھائی چارہ ملکی سلامتی اور ترقی کے لئے بنیادی چیز ہے جسے برقرار رکھنے اور فروغ دینے کی بہت سخت ضرورت ہے۔ایسی کالونیوںیا علاقوں میں پینے کے صاف پانی کا مناسب انتظام کرنا جہاں انتظامیہ کی طرف سے پینے کا پانی مناسب طریقے سے فراہم نہیں کیا جاتا ہے۔سود کی لعنت کے رواج کو ختم کرکے بغیر سود کے قرض فراہم کرانا اور آگے بڑھنے کی کوشش کرنے والوں کو ہر ممکن طریقے سے ان کی ضروریات میں مدد فراہم کرنا ہے۔ایسے لوگوں کو قانونی مدد فراہم کرنا جو ملک کی مختلف جیلوں میں قید ہیں اور اپنی غربت کی وجہ سے وہ کورٹ کچہری کے اخراجات کو برداشت کرنے کی پوزیشن میں نہیں ہیں، ان کو مالی تعاون کے ساتھ قانونی مدد فراہم کرنا۔غریب اور محتاج لوگوں کو بہترین تجاویز اور بہترین مشورے دینا تاکہ مہنگائی کے مسائل کو حل کرنے کے لئے ان کو مدد فراہم کی جاسکے، کیونکہ اس وقت مہنگائی انتہائی سنگین مسئلہ ہے اور ملک کا ہر شخص مہنگائی سے متاثر ہورہا ہے۔

شراب اور دوسری نشیلی چیزوںکے استعمال کے نقصانات اور اس کے استعمال کے خوفناک نتائج کے بارے میں آگاہ کرنا، ساتھ ہی ساتھ انہیں ان اشیائ کا استعمال نہ کرنے اور اس سے بچاو کے لئے رہنمائی کرنا۔جہیز آج کل سماج اور خصوصا غریبوں کیلئے بہت زیادہ پریشانی کا باعث بنتا جا رہا ہے۔ غریب اور محتاج لوگ جہیز کی لعنت سے بہت زیادہ پریشان ہیں، اس لئے ہمارا مقصد جہیز کے خلاف مہم چلانا ہے اور لوگوں کو آسان شادی کے لئے ترغیب دینا ہے۔قانون ساز اداروں میں مجرمانہ شبیہ کے ارکان کی تعداد میں روز بروز اضافہ ہو رہا ہے۔ یہ ملک اور معاشرے کے مفاد میں انتہائی خطرناک ہے، اس لیے ہمارا مقصد لوگوں میں صاف ستھری شبیہ اور پڑھے لکھے ایماندار نمائندوں کو منتخب کرنے کیلئے شعور اور بیداری پیدا کرنا ہے۔

Related posts

جنوبی ریاستوں کے لوگوں نے بی جے پی کو یکسر مسترد کردیاہے

Hamari Duniya

فلسطین میں بھوک سے تڑپ رہے ہیں معصوم، مرد و خواتین، انڈین مسلم فار سول رائٹس‌کے صدراورسابق رکن پارلیمنٹ‌محمد ادیب ملک میں منعقدہ افطار پارٹیوں پر اٹھائے سوال

Hamari Duniya

اقلیتی امور کی وزارت کا حج کے سفر کو سستا بنانے کیلئے اقدامات کا دعویٰ

Hamari Duniya