نئی دہلی،16اگست(ایچ ڈی نیوز)۔
15 اگست 2023 کو یوم آزادی کی شام کو 3rd اے ایم پی نیشنل ایوارڈز فار سوشل ایکسیلنس (این اے ایس ای) 2023 کے فاتحین کا اعلان کیا گیا، جس کا بے صبری سے انتظار تھا،معزز مہمانوں اور ہندوستان بھر سے شرکا کے ایک بڑے اجتماع میں ناموں کااعلان کیا گیا۔انعامات کا اعلان کرنے اور چند ایوارڈ یافتگان کو نوازنے کے لیے ایک یادگار تقریب حکیم عبدالحمید ا?ڈیٹوریم، جامعہ ہمدرد، ہمدرد نگر، نئی دہلی میں منعقد ہوئی۔86 قومی اور ریاستی سطح کی این جی اوز کو بہترین این جی او ایوارڈز سے نوازا گیا۔ 100 متاثر کن افراد کو چینج میکر ایوارڈز سے نوازا گیا۔لائف ٹائم اچیومنٹ ایوارڈ مرحوم ظہیرالدین علی خان، معروف منیجنگ ایڈیٹر، دی سیاست ڈیلی، کو ملک کے عوام بالخصوص اے پی اور تلنگانہ کی ریاستوں کی فلاح و بہبود میں ان کی زبردست شراکت کے لیے پیش کیا گیا۔ عمر کھتانی خصوصی ایوارڈ بزنس اینڈ ایمپلائمنٹ بیورو (بی ای بی) جامعہ ہمدرد کو دیا گیا۔
طارق انور، سابق وزیر مملکت، زراعت اور فوڈ پروسیسنگ، حکومت بھارت، اس تقریب کے مہمان خصوصی تھے۔ انہوں نے کہا کہ “اس بات کی تعریف کی جانی چاہئے کہ اے ایم پی ان لوگوں کی تعلیم اور بااختیار بنانے کے شعبوں میں کام کر رہی ہے جو معاشرے کے دیگرلوگوں کے مقابلے میں پیچھے رہ گئے ہیں۔ سیاست دانوں کے ساتھ مل کر، این جی اوز معاشرے میں ایک مثبت اور اہم تبدیلی لانے میں مدد کر سکتے ہیں۔اعزازی مہمان، پروفیسر اختر الواسع، سابق صدر، مولانا آزاد یونیورسٹی، جودھپور، نے اے ایم پی کو جامعہ ہمدرد میں تقریب منعقد کرنے پر مبارکباد پیش کی جو سماجی ترقی اور تعلیم میں سب سے آگے ہے۔ انہوں نے کہا، “15 سالوں کے اندراے ایم پی نے کمیونٹی کی ترقی کے لیے اہم کام کیا ہے اور تالی اور گالی کلچر کو معاشرے کی خدمت کے لیے کامیابی کے ساتھ تبدیل کرنے میں کامیاب ہوا ہے۔
عامر ادریسی، صدر،اے ایم پی، نے کلیدی خطبہ پیش کیا، جس میں انہوں نے کہا کہ اے ایم پی تعاون پر یقین رکھتی ہے اور اپنے قیام کے بعد سے متعدد تنظیموں کے ساتھ کام کر رہی ہے۔ انہوں نے ذکر کیا کہ اپنے این جی او کنیکٹ پروجیکٹ کے ذریعے، اے ایم پی ہندوستان کے ہر ضلع میں سماجی تنظیموں کے ساتھ جڑی ہوئی ہے، جس کے ذریعے وہ اپنے سماجی بہبود کے منصوبوں کو لاگو کرتی ہے اور ان کی صلاحیت کی تعمیر میں بھی مدد کرتی ہے۔ انہوں نے مزید کہا کہ یہ ایوارڈز ان کی کاوشوں کو سراہنے اور انہیں بہتر کام کرنے کی ترغیب دینے کا ایک چھوٹا سا طریقہ ہے۔ڈاکٹر شاہد اختر، پروفیسر، جامعہ ملیہ اسلامیہ اور ممبر، قومی کمیشن برائے اقلیتی تعلیمی ادارے (این سی ایم ای آئی)، حکومت۔ ہند نے کہا کہ ’اے ایم پی مختلف تنظیموں اور افراد کو ان کے کام کے لیے انعام اور حوصلہ افزائی کے لیے تعریف کا مستحق ہے۔ ہم اے ایم پی کے ساتھ مل کر اقلیتی اداروں کواین سی ایم ای آئی کے ساتھ رجسٹر کرنے کے لیے رہنمائی کے لیے کام کریں گے تاکہ وہ حکومت کی تعلیمی پالیسیوں کے فوائد حاصل کر سکیں۔ فاروق صدیقی، اے ایم پی این جی او کنیکٹ پروجیکٹ کے سربراہ، نے بہت کامیابی کے ساتھ تقریب کی میزبانی کی اور قومی اور ریاستی سطح پر مختلف زمروں کے لیے ایوارڈز کا اعلان کیا۔ اجتماع سے خطاب کرتے ہوئے انہوں نے کہا کہ ’ہم نے 3 سال کے قلیل عرصے میں 6000+ این جی اوز تک کامیابی سے رسائی حاصل کی ہے اور ان کے ساتھ متعدد اے ایم پی پروجیکٹس سے وابستہ ہیں۔ سی جی ایس ، ایس ڈی پی، انڈیا ذکوةڈاٹ کام اور دیگر۔پروفیسر محمد افشار عالم، وائس چانسلر، جامعہ ہمدرد نے مہمانوں اور شرکا کو خوش آمدید کہا۔جناب شوکت مفتی، ایگزیکٹو سیکرٹری، بزنس اینڈ ایمپلائمنٹ بیورو (بی ای بی)، جامعہ ہمدرد نے شکریہ کا کلمہ پیش کیا۔
جیتنے والوں کا انتخاب کرنے والی 9 رکنی جیوری کی قیادت اے آر خان، ریٹائرڈ آئی اے ایس آفیسر اور صدر اے آر ویلفیئر فاؤنڈیشن اور یو نثار احمد، ریٹائرڈ۔ آئی پی ایس آفیسر اور چیئرمین نیشنل سینٹر فار ریسرچ اینڈ ڈیولپمنٹ، نے کی۔ مرزا مبین بیگ، سینئراے ایم پی ممبراین اے ایس ای اے ایم پی ایوارڈز 2023 کے انچارج اور جیوری کوآرڈینیٹر تھے۔
این جی اوز کے زمرے میں ہمدرد نیشنل فاؤنڈیشن – ہیکا، بی ای بی، اجمل فاؤنڈیشن، مناپت فاؤنڈیشن، میلز ٹو اسماعیلس فاؤنڈیشن، پیام انسانیت فاؤنڈیشن کے نام قابل ذکر ہیں۔ شمس الرحمن علوی، فردوس قطب وانی، عقیل خان، ڈاکٹر فاروق جی پٹیل، اسد اشرف، ڈاکٹر ثناءعلی خان، فائقہ صولت خان اور محمد انس کے نام چینج میکر کیٹیگری میں قابل ذکر ہیں۔
