33.1 C
Delhi
May 20, 2024
Hamari Duniya
Breaking News قومی خبریں

ہنر اور صلاحیت کے تبادلے کو فروغ دینے کے لیے بھارت اور جرمنی کے درمیان معاہدہ 

وزیرخارجہ

جرمن وزیر خارجہ اینالینا بیئربوک کے ساتھ دو طرفہ تعلقات سمیت علاقائی اور عالمی امور پر تبادلہ خیال کیا: ایس۔ جے شنکر

نئی دہلی (ایچ ڈی نیوز)۔
جرمن وزیر خارجہ اینالینا بیئربوک دو روزہ دورے پر ہندوستان میں ہیں ۔ بھارت پہنچنے کے بعد انہوں نےاپنے ہم منصب ایس۔ جے شنکر سے ملاقات کی اور کئی اہم امور پر تبادلہ خیال ہوا، ساتھ ہی کئی معاہدوں پر دستخط ہوئے ۔ وزارت خارجہ کے مطابق، ہندوستان اور جرمنی نے پیر کو ایک جامع مائیگریشن اور موبلٹی پارٹنرشپ معاہدے پر دستخط کیے، جس سے 2019 میں مائیگریشن اور موبلٹی پارٹنرشپ پر شراکت داری کے اعلان کو نافذ کیا گیا۔ معاہدے پر دستخط کرنے میں ہندوستان میں جرمنی کے سفیر ڈاکٹر فلپ ایکرمین اور ہندوستان اور جرمنی کی حکومتوں کے دیگر سینئر عہدیداروں نے شرکت کی۔ اس معاہدے میںصلاحیت اور ہنر کے تبادلے کو فروغ دینے کے لیے نقل و حرکت اور روزگار کے مواقع فراہم کرنے کے لیے مخصوص دفعات ہیں۔
وزیر خارجہ نے ملاقات کے بارے میں معلومات دیں۔
ہندوستان کے وزیر خارجہ ایس جے شنکر نے ٹویٹ کیا کہ’جرمن وزیر خارجہ اینالینا بیئربوک کے ساتھ تفصیلی بات چیت ہوئی۔ ہم نے اس بار اپنے جاری مکالمے کو مزید تفصیل سے آگے بڑھایا ۔ کئی اہم علاقائی اور عالمی امور پر دو طرفہ تعلقات اور ہمارے مشترکہ نقطہ نظر کا بھی جائزہ لیاگیا‘۔
ہند-جرمن مائیگریشن اینڈ موبلٹی معاہدے کے تحت جرمنی ہر سال ہندوستانیوں کے لیے 3000 ملازمت کے متلاشی ویزا فراہم کرے گا۔ یہ جرمن میں تعلیم حاصل کرنے والے ہندوستانی طلباء کو اپنی تعلیم مکمل کرنے کے بعد 18 ماہ کا توسیعی رہائشی اجازت نامہ بھی فراہم کرے گا۔ جرمن ہنر مند امیگریشن ایکٹ 2020 کے تحت  غیر EU ممالک کے کارکنوں کے لیے مواقع کو بڑھا دیا گیا ہے ۔ جرمن حکومت نے 2023 کے اوائل میں نافذ ہونے والے ایک نئے قانون کے ذریعے بیرون ملک سے اہل کارکنوں کی نقل مکانی میں نمایاں طور پر سہولت فراہم کرنے کی تجویز پیش کی ہے۔ انڈو-جرمن ایم ایم پی اے ممکنہ لیبر مارکیٹ کی منزل کے ممالک کے ساتھ معاہدوں کے نیٹ ورک کی تعمیر کی مجموعی کوشش کا حصہ ہے، جس کا دوہرا مقصد ہندوستانیوں کے لیے ان ممالک کی لیبر مارکیٹوں تک رسائی کے لیے ایک سازگار ویزا نظام تشکیل دینا ہے۔

Related posts

جب شاہ رخ خان نے کیا ہیمنت بسو سرما کو فون

Hamari Duniya

مرکزی جمعیت اہل حدیث ہند کی مجلس عاملہ کے اجلاس میں لئے گئے کئی اہم فیصلے

دہشت گردی، بد امنی، مذہبی منافرت ، غیر سماجی سرگرمیوں اور اشتعال انگیزی کی سخت الفاظ میں مذمت:

Hamari Duniya

کیا صرف اتنے ہی دن رہے گی نئی میئر کے عہدے کی مدت

Hamari Duniya