دوحہ(ایچ ڈی نیوز)۔
خلیجی ملک قطر میں اس وقت فٹ بال کا عالمی کپ چل رہا ہے جہاں پوری دنیا سے شائقین قطر پہنچ رہے ہیں۔اس دوران دنیا بھر کے فٹ بال شائقین قطری کلچر اور اسلامک تہذیب سے واقفیت حاصل کر رہے ہیں۔اس طرح قطر کے مساجد بھی شائقین کی توجہ کا مرکز بن رہے ہیں جہاں شائقین قطری مساجد کی خوبصورتی اور طرز تعمیر کی معلومات حاصل کر رہے ہیں۔
غیرملکی میڈیا کے مطابق رضاکار سعادت انور کا کہنا ہے کہ بڑی تعداد میں غیرملکی فٹبال اور میچز سے وقت نکال کر قطر کی ثقافت کو دیکھ رہے ہیں۔
سعادت انور نے غیرملکی میڈیا کو بتایا کہ قطارہ مسجد میں بڑی تعداد میں غیرملکی آتے ہیں، وہ مسجد کی تعمیر اور خوبصورتی کی تعریف کرتے ہیں۔انہوں نے مزید بتایا کہ غیرملکی شائقین مسجد میں 5 وقت نماز پڑھنے والوں کو دیکھتے ہیں۔غیرملکی میڈیا کے مطابق مسجد میں آنے والے غیرملکی افراد موذن کو اذان دیتے ہوئے بھی دیکھتے ہیں۔
ایک غیرملکی مداح ماریہ روڈریگز نے بتایا کہ جب میری فیملی ورلڈ کپ کے لیے قطر آئی تو ہم یہاں کا مذہب جاننے کے لیے پ±رجوش تھے۔
ماریہ روڈریگز نے کہا کہ جب پہلی مرتبہ مسجد میں داخل ہوئی تو بہت آرام دہ اور محفوظ محسوس کیا۔
