نئی دہلی ۔ اعظم خان کی اسمبلی کی رکنیت ختم ہونے کے بعد رامپور سیٹ پر ضمنی الیکشن ہونے جارہے ہیں۔ یہاں سیدھا مقابلہ ایس پی اور بی جے پی میں ہے۔ اعظم خان نے اس سیٹ کو جیتنے کیلئے پوری طاقت جھونک دیے ہیں۔ پیر کی شام ایک ریلی کے دوران انہوں نے اپنے اوپر ہونے والے ظلم کے درد کو بیان کیا۔
سابق کابینہ وزیر نے کہا کہ اسلام میں خود کشی حرام ہے اس لئے صرف میں زندہ ہوں۔ اب صرف ایک ظلم باقی رہ گیا ہے۔۔۔۔ وہ مجے بھارت سے نکالنا چاہتے ہیں۔ وہ مجھے مار نہیں سکتے کیونکہ وہ مجھے ایڑیاں رگڑ رگڑ کر مارنا چاہتے ہیں۔
اعظم خان نے اپنے دشمنوں کو للکارتے ہوئے کہا کہ مارنا چاہتے ہو تو ماردو، مجھے مار دو گولی۔ خدا کی قسم میری موت میری زندگی کی تکلیفوں سے زیادہ سستی ہوگی۔ انہوں نے کہا کہ میرے پورے گھر کو ماردو۔ تمہیں معلوم ہے کہ ظلم کے کتنے پہاڑتوڑے جارہے ہیں ہم پر۔
